Су ресурстары және ирригация министрі Ақтөбедегі Сазды су қоймасы туралы айтты

Нұржан Нұржігітов Ақтөбе облысындағы Сазды су қоймасының жұмысы туралы айтып берді, деп хабарлайды Orda.kz порталы.

Су қоймасының жалпы сыйымдылығы 7,5 млн текше метр. Осы уақытта су жіберу көлемі секундына 60-тан 40 текше метрге дейін төмендеген. 

«Ақтөбе облысының ерекшелігі - Ақтөбе, Қарғалы және Сазды су қоймалары қала шегінде Елек өзеніне қосылады. Сондықтан барлық үш су қоймасының жұмысын үйлестіру қажет. Бүгінгі таңда Ақтөбе су қоймасы транзиттік режимде, Қарғалы су қоймасы су жинау режимінде жұмыс істеп жатыр. Ал, Сазды су қоймасы секундына 40 текше метр су жіберуде», - деді Нұржан Нұржігітов.