Су басқан Құлсары қаласынан халықтың жартысы эвакуацияланды

Атырау облысы Жылыой ауданы Құлсары қаласында 2810 тұрғын үй мен ғимаратты су басқан.

Бұл туралы Төтенше жағдайлар министрлігі хабарлады.

«Атырау облысының Құлсары қаласынан барлығы 33 641 адам эвакуацияланды, эвакуацияланған халықты қабылдау үшін 201 уақытша орналастыру орталығы дайындалды» деп хабарлады ведомствоның баспасөз қызметі.

173 адам құтқарылды, оның ішінде 15 бала, 248 үй жануарлары да эвакуацияланды.

Су тасқынын жоюға Төтенше жағдайлар министрлігінің 231 бірлігі, 1198 жеке құрам, 18 су көлігі және 19 мотопомпа жұмылдырылды.

Құлсарыда 66 мың адам тұрады, қала Атыраудан 230 шақырым жерде орналасқан.