Су басқан аумақтардан 102 адам құтқарылды

Арқалық ауданындағы Екідін және Қызыл Жұлдыз ауылдарынан адамдар тікұшақпен эвакуацияланды.

Облыстық Төтенше жағдайлар департаменті құтқарылғандар арасында су тасқыны басқан елді мекендерде және жақын маңдағы қыстауларда болған 32 бала бар екенін хабарлады.

«Зардап шеккен азаматтар Арқалық қаласына эвакуацияланып, оларға қажетті көмек көрсетілуде. Ұшулар 130–150 шқ қашықтықта жүзеге асырылып, түнде көретін көзілдірік қолданылады» делінген хабарламада.