Студенттер "қасіретті қаңтар" оқиғасына қатысты ма – Білім министрлігінің жауабы

ҚР Білім министрлігі Жоғары және жоғары оқу орнынан кейінгі білім департаментінің директоры Адлет Тойбаев полиция ұстаған қаңтардағы тәртіпсіздікке қатысушылардың арасында студенттер бар ма деген сұраққа жауап берді.

Оның айтуынша, тәртіпсіздікке ұласқан бейбіт митингілер кезінде студенттер қысқы демалыста болған.

«Ұсталған студенттер туралы бізде ресми ақпарат жоқ. Студенттер каникулда болған. Ол кезде 5-6 мыңға жуық студент университеттердің жатақханаларында тұрды, негізінен шетелдіктер» деді басқарма басшысы.

Айта кетсек, Қазақстанның 120 жоғары оқу орнында 620 мыңнан астам адам білім алуда.

Жоғары оқу орындарында көктемгі семестр каскадтық әдіспен 24 қаңтарда басталады. Мысалы, бірінші курс студенттері үшін оқу 24 қаңтарда басталса, екінші курс студенттері үшін - 31 қаңтардан, ал үшінші-төртінші курстар үшін - 7 ақпаннан бастап оқуға оралады.

Көктемгі семестрде оқу дәстүрлі және аралас форматта өтеді.