Студент қыздың төсіне қол жүгіртті деген университет оқытушысы жұмыстан қуылды

Бұған дейін Астанада медициналық университеттің студенті оқытушының өзін қудалап жатқаны туралы жазған болатын.

Аида Алмасова өзінің Instagram парақшасында ұстазы Алышан Исмаилов тарапынан қудалауға шыдауға мәжбүр болғанын мәлімдеді. Оның айтуынша оқиға 17 қарашада болған.

«Ол менің жүрегімде және өкпемде ақау бар ма деп сұрады. Мен жоқ дедім, ол тыңдап көруді ұсынды. Мен оны түсінбедім. Ол кеңсені құлыптап, көкірекшемді шешуімді ұсынды. Мен қорыққанымнан көкірекшемді көтердім, ол мені орындыққа отырғызды да, жемпірімнің жағасынан өтіп, кеудемдіі ұстай бастады», - деп жазды бойжеткен.

Студент сол күнгі оқиғадан бөлек, басқа қыздардың да бұл мұғалімнің үстінен шағым түсірген хабарламаларын жариялады.

Әріптестері Алышан Исмаиловты қорғап, ақтап алуға тырысты. Тіпті, студенттер осындай жолмен өздеріне ұнамайтын мұғалімнен құтылғысы келеді деген пікірлер де айтылды. Дегенмен, полицейлер Алмасованың сөзіне мән беріп, жанжалды оқиғаның мән-жайын анықтауды қолға алды.

Осыдан кейін аталған жоғарғы оқу орнының ректоры Камалжан  Надыров осы шулы оқиғаға себепкер болған оқушының жұмыстан шығарылғаны туралы өзінің әлеуметтік желідегі парақшасында жазды.

Сонымен қатар ЖОО басшысы осындай жағдайларды болдырмауға бағытталған барлық қажетті әрекеттердің қабылданатынын мәлімдеді.