Украинада қалып қойған қазақстандықтардың бір бөлігі Польшаға кірді

Украинада тұрып қалған қазақстандықтардың бір бөлігі Польшаға кірді, деп хабарлады Қазақстанның Сыртқы істер министрлігі.

«Соңғы бірнеше күнде әлемнің назары Украинаға ауды. Киевтегі елшілігіміздің қызметкерлері күндіз-түні жұмыс істеп, Қазақстан азаматтарына көмек көрсетуде. Кеше ғана брифингте Қазақстан азаматтары мінген бірнеше автобустың шекараға шыққаны айтылды. Олардың жартысы кеденнен өтіп, қонақүйге жайғасты, ал жолаушылардың екінші бөлігі күтіп тұр» делінген хабарламада.