Странджа кубогы: Қазақстан ерлер құрамасының екі боксшысы жартылай финалға өтті

Бокстан Болгарияның София қаласында өтіп жатқан «Странджа кубогында» Қазақстан ерлер құрамасының екі өкілі жартылай финалға жолдама алды, деп хабарлайды Orda.kz. 

Ширек финалдық жекпе-жектер қорытындысы бойынша Даниял Сәбит (50 келіге дейін) пен Фарух Тоқтасынов (70 келіге дейін) финалға шығу үшін бақ сынайды.

Ал Бағлан Кенжебек (55 келіге дейін), Ертуған Зейнуллинов (65 келіге дейін), Мұхаммедсабыр Базарбайұлы (70 келіге дейін), Сұлтанбек Айбарұлы (85 келіге дейін), Бекзат Таңатар (85 келіге дейін), Нурмагамед Юсупов (90 келіге дейін), Дәулет Төлемісов (90 келіге дейін) және Нұрлан Сапарбай (90 келіден жоғары) жарысты ширек финал кезеңінде аяқтады.

Айта кетейік, жартылай финалдық жекпе-жектер 28 ақпанда өтеді.

Оқи отырыңыз:

• Испаниядағы бокс турнирінде Қазақстан құрамасы 12 медаль жеңіп алды
• Жерлесіміз World Boxing нұсқасы бойынша 2025 жылдың үздік боксшысы атанды
• Қазақстан бокс құрамасының бас бапкері тағайындалды