Үстінде лыпасы жоқ екі адамды он адам жабылып ұрды (видео)

2 шілде Қостанай облысы Рудный қаласында үстінде лыпасы жоқ, жалаңаш екі ер адам дүкенген кірген. Осыдан кейін оларға ескерту жасалған. Артынша 10 адам оларды жабылып ұрған.

Бұл туралы Orda.kz КТК телеарнасына сілтеме жасап хабарлады.

– Қазір видеоны зерттеп жатырмыз. Тек содан кейін құқықтық баға беріледі. Оның үстіне жарақат алған азаматтардың ауруханадан шықанын күтеміз. Сараптама жасалуға тиіс. Соның нәтижесімен тағы бірнеше баппен іс қозғалуы мүмкін. Әзірге бұзақылық бабы бойынша қаралып жатыр, - деді Қостанай облысы полиция департаментінің тергеу басқармасының бөлім бастығы Артем Ткаченко.

Екі жігіттің соққының астында қалған видеосы әлеуметтік желіде тараған.

Анықталғандай, соққыға жығылған екі жігіттің бірінің миы шайқалған, ал екіншісінің жағы сынған. Қазір олар ауруханада.

Соққыға жыққан он шақты балалардың жасы шамамен 17-19 жас. Олар өзінен 5-6 жас үлкен жігіттерге шабуыл жасаған.

Төбелес бастаған 10 адамның 4-еуі күдікті ретінде тергеліп жатыр.