Станислав Черчесовтың қазақша сұраққа кезекті реакциясы

Футболдан ұлттық құраманың бапкері Станислав Черчесов кезекті рет қазақша сұрақ қойған журналистке «мысқылдап» жауап берді, деп хабарлайды Orda.kz.

13 қазанда Алматы орталық стадионында УЕФА ұлттар лигасынының Қазақстан мен Словения құрамалары арасында матч өтті, онда Қазақстан 0:1 есебімен жеңіс тапқан болатын.

Ойыннан кейінгі  баспасөз конференциясында Станислав Черчесов  қазақ тілінде сұрақ қойған журналисттің сұрағына «Француз тілінде сөйлеп жатсың ба?», — деп айтты.

Черчесов бұған дейінгі баспасөз конференцияларында да көпшіліктің көңілінен шықпайтын сөздермен жанкүйерлердің ызысына тиген болатын. Ол ұлттық құрамаға келе салысымен баспасөзде журналисттің қазақ тілінде қойған сұрағына «Саған осетин тілінде жауап берейін бе?», — деп жауап берген болатын. Осыдан соң қазақстандық жанкүйерлердің желідегі жағымсыз пікірлерінің астында қалған Черчесовтің қазақ тілін үйрене бастағанын видеосын футбол федерациясы әлеуметтік желіге жариялады.

Айта кетейік, Черчесовтың басшылығымен Қазақстан құрамасы әлі бірде-бір гол соғып, жеңіске жеткен жоқ.

Жалпы Черчесовтың сынға қалып жатқаны тек тіл мәселесі ғана емес. Ол сонымен қатар, құрамада жұмыс істегеніне бірнеше ай өтсе де, негізгі деген ойыншылардың аты-жөндерін жаттап ала алмағаны көпшілікке ұнаған жоқ.

«Станислав Черчесовтың Қазақстан құрамасын басқарғанына бесінші ай болды. Бірақ ол әлі күнге дейін ойыншылардың есімдерін жаттап ала алмады. Бұл біздің ұлттық құраманы басқарған адам үшін өте өкінішті жағдай. Оның жалақысы жылына 1,2 миллион еуро, ал оның есебінде әлі бірде-бір гол немесе жеңіс жоқ», — деп жазды блогер Насима Қорғанбекова.

Жалпы соңғы Словениямен болған ойында да жанкүйерлердің көңілінен шыққан жоқ. Команда капитаны Асхат Тағыбергенге наразылығын жеткізген жанкүйердің «Черчесов ұнамаса айтыңдар, Адиевті қайтадан шықыртайық. Мына ойындарың болмайды ғой», — деген сұрағына Тағыберген «Біздің деңгей осы», — деп қысқа ғана жауап берген болатын.