Standard&Poor's Қазақстанның тәуелсіз несие рейтингін растады

Standard & Poor's халықаралық рейтингтік агенттігі Қазақстанның тәуелсіз несиелік рейтингін «BBB-/A-3» деңгейінде растады, деп хабарлайды Orda.kz.

Ұлттық экономика министрлігінің мәліметінше, егеменді рейтингт болжамы «Тұрақты».

S&P алдағы жылдары экономиканың өтімді сыртқы активтері сыртқы қарыздан айтарлықтай асып түсетінін болжайды.

Ел экономикасының өсуі негізінен құрылыс, өнеркәсіп, сауда, ақпарат және байланыс салаларындағы белсенділікпен қамтамасыз етілгені атап өтілді.

Сарапшылар шенеуніктердің инфрақұрылымды дамытып, экономиканы одан әрі әртараптандыруға бағытталған әрекеттерін атап өтті.

S&P экономикалық реформаларды жалғастыру және мемлекеттік шығыстардың қалыпты өсуі 2024-2027 жылдардағы бюджет тапшылығын азайтуға көмектеседі деп күтеді.