Стамбұл мэриясындағы сыбайлас жемқорлық ісі бойынша Түркияда 30-дан астам шенеунік қамалды

Түркия билігі Стамбұл мэриясындағы сыбайлас жемқорлық ісі бойынша тергеу аясында 47 шенеунікке қатысты «пара алу» және «бопсалау» айыптары бойынша қамауға алу туралы ордер шығарды. Олардың 32-сі ұсталды, деп хабарлайды Orda.kz.

Habertürk басылымының жазуынша, ұсталғандар арасында Бұйықчекмедже мэрі Хасан Акгүн, Газиосманпаша мэрі Хакан Бахчетепе, Авджылар басшысы Утку Джанер Чайкара, Джейхан мэрі Кадир Айдар және Сейхан мэрі Оя Текин бар.

Басылым мәліметінше, қамауға алу туралы ордер берілген күдіктілердің үшеуі қазірдің өзінде түрмеде отыр, тағы үшеуі шетелде жүрген.

Қазір полиция іздеуде жүрген тоғыз күдіктіге қатысты тергеу жұмыстарын жалғастырып жатыр.

Бұған дейін Жамбыл облысында екі әкім туыстарына жер бергені үшін сот жауапкершілігіне тартылған болатын.

Тараз қаласы әкімдігінің тұрғын үй қатынастары бөлімінің басшысы Нұржан Нұралиев мемлекеттік қаражатты ысырап еткені үшін кінәлі бола тұра жазаға тартылмады.