Сталиннің шөбересі үйсіз қалды

Иосиф Сталиннің тікелей шөбересі, керең-мылқау мүгедек Селим Бенсаад үйсіз қалды. Ер адам өз көлігінде түнеуге мәжбүр.

Бенсаадтың баспасөз хатшысы Вадим Горжанкин 360 телеарнасына берген сұхбатында Селимнің әкесі алжирлік Хосин Бенсаад оны паналаған үйінен қуып, құлыптарын ауыстырып, Мәскеудегі қымбат пәтерін иемденуге тырысады.

Әкесімен ұзақ уақытқа созылған кикілжің салдарынан Селим өзі тіркелген пәтерге кіре алмайтынын айтты. Оның айтуынша, бәрі оның өміріне қастандық, қауіп төндірумен қатар оның мүлкін иемдену үшін өзін қабілетсіз деп танытуға тырысады.

— Жақында Селим мен Лана (Сталиндер отбасының тарихшысы Лана Паршина) дайындаған кітап шыққаннан кейін жағдай шиеленісе түсті, — деді Горжанкин.

Горжанкин айтуынша, бұл кітапта «өте сенсациялық ақпарат» бар. Атап айтқанда, Селимнің әкесі пәтерді иемдену үшін жасады деген - жалған деп саналатын өсиет бар. Сонымен қатар, Сталиннің белгішесіне қатысты да ақпарат бар. Дәл осы белгішені Селимнің әкесі алғысы келді. Әртүрлі мәліметтер бойынша ол бірнеше шетелдік барлаудың тыңшысы.