Спутник V вацинасын алғандар Мальдивке ПТР сынақтарынсыз ұша алады

Жергілікті билік вакциналанған демалушыларға 20 сәуірден бастап ПТР тестсіз арал аумағына кіруге рұқсат берді.

Ақпарат көзі РИА Новости, деп хабарлайды Orda.kz.

Бұл ДДҰ немесе белгілі бір елдің құзыретті органы мақұлдайтын кез-келген вакцина салдырған адамдарға қатысты шара.

Бұл ретте екпе туралы сертификат ағылшын тіліне аударылуы тиіс, оны нотариалды түрде растаудың қажеті жоқ.

Вакциналанбаған туристер үшін ережелер өзгеріссіз қалады: демалушылар келгенге дейін 96 сағат бұрын жасалған коронавирусты талдау нәтижесін ұсынуы керек.

Мале әуежайына келгенге дейін бір күн бұрын саяхатшылар иммиграциялық қызмет веб-сайтына денсаулық туралы декларацияны жүктеуге міндетті. Сауалнаманы толтырғаннан кейін қонақ жеке QR кодын алады, ол 24 сағатқа жарамды.