«Спутник V» екпесі Қазақстанда әлі тіркелмеген
Қазақстан денсаулық сақтау министрлігі 12 ақпанда ресейлік «Спутник V» екпесінің алғашқы тобын елге кіргізуге рұқсат берген. Бұл туралы министрліктің баспасөз қызметі хабарлады.
«Қазақстанға кіргізілген екпені қолдануға рұқсат берілген. Екпені елге кіргізерден бұрын оның сапасы, қауіпсіздігі мен тиімділігін дәлелдейтін құжаттар ұсынылады» деп мәлімдеді министрлік «Халық денсаулығы және денсаулық сақтау жүйесі заңына» сілтей отырып.
Қазақстанда 1 ақпаннан халықты ресейлік «Спутник V» екпесін қолдану басталған. Кейін министрлік бұл екпе елде әлі тіркеуден өтпегенін айтқан болатын.
12 ақпанда қазақстандық бірнеше басылым «Спутник V» екпесінің Twitter парақшасына сілтеме жасап, «Қазақстан бұл екпені тіркеген 27-ел болды» деген жаңалық таратты.
Алайда Қазақстан денсаулық сақтау министрлігі бұл ақпаратты растамады. Ведмство Қарағанды фармацевтикалық кешенінде дайындалған «Спутник V» екпесін тіркеу жұмыстары жүріп жатқанын мәлімдеді.
«Бұл екпе тіркелген соң ғана қолданылады. Екпе жіті тексеріледі, тіркеу процедурасы 16-20 ақпан арасында жүреді» деп мәлімдеді министрлік.
Министрліктің мәліметінше, 1-11 ақпанда елде 13 мың медициналық қызметкер «Спутник V» екпесін салғызды. Бұл екпе Ресейде былтыр тамызда, сынақтан толық өтпей жатып тіркелген. Мәскеудің бұл әрекеті ғалымдар арасында пікірталас тудырған.
2 ақпанда британиялық Lancet журналы «Спутник V» екпесінің үшінші сынақ кезеңінің нәтижесін жариялап, екпе 92% тиімді деген. Қазақстан билігі бұл екпені Қарағанды фармкешенінде шығару үшін 15 миллиард 175 мың теңге бөлген. Қазақстан жыл соңына дейін алты миллион адамға екпе салуды жоспарлап отыр.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды