Спорт және мәдениет министрліктерін қайтадан екіге бөлу керек пе?

2014 жылдың тамыз айында Назарбаев шешімімен спорт және мәдениет министрліктері бірігіп, бір ведомстваға айналды. Қос министрлікті біріктірген тұста оның басшысы ретінде экс-мәдениет министрі Арыстанбек Мұхамедиұлы тағайындалды.

Екі министрлік біріккеннен кейін Қазақстан 2016 жылы Риода өткен жазғы Олимпиада ойындарында 3 алтын, 5 күміс және 10 қола медаль алып, жалпыкомандалық есеп бойынша 22-ші орынға табан тіреген.

2020 жылы өтуі тиіс болып, бүкіл әлемдік пандемия салдарынан 2021 жылы өткен Токиодағы жазғы Олимпиада ойындарында 8 қола медаль алып, жалпыкомандалық есепте 86 команданың ішінде 83-ші орын алды.

Салыстырмалы түрде айтар бослақ, 2012 жылы «спорт және туризм» министрлігі жұмыс істеп жатқан тұста Қазақстан Лондонда өткен жазғы олимпиада ойындарында 7 алтын, 1 күміс және 5 қола медаль алды. Командалық есеппен 12-ші орынға жайғасты.

Қорытындылай келе, Қазақстандағы екі министрлік біріккеннен кейін спорт саласы оң нәтиже бермегенін аңғаруға болады.

Осы тұста Orda.kz «Спорт пен мәдениет министрліктерін қайтадан екі бөлу керек пе?» тақырыбымен сауалнама жасады.

Өзіңізге керекті нұсқаны таңдап, дауыс беру батырмасын басыңыз