Спорт комитетінің төрағасы жаттықтырушым емес — Мырзабосынов

Мәдениет және спорт министрі Ербол Мырзабосынов Мәжіліс дәлізінде жаңа спорт істері комитетінің төрағасы Руслан Есеналиннің өзін жаттықтырғаны туралы қауесеттерді жоққа шығарды, деп хабарлайды Orda.kz.

Министр Есеналинмен Солтүстік Қазақстан облысында әртүрлі қызмет атқарғанын, ол кезде өзі спорт клубын басқарғанын, ал Есеналин облыстық дене шынықтыру және спорт басқармасын басқарғанын айтты. Алайда оның жаттықтырушысы болмағанын атап өтті.

«Бұл жалған. Спорттағы жаттығудың теориясын, негізін білетін адам, еңбек сіңірген жаттықтырушы деген лауазымы бар, 10 жылдай мемлекеттік қызметте істеді. Ауданда істеді, ұлттық құрамада істеді. Қазір спорт комитетін басқарып отыр. Ол менің жаттықтырушым болмады. Мен солтүстік Қазақстанда істегенде ол да сол спорт саласында жүрді», — деді Мырзабосынов.

Еске сала кетсек, бұған дейін Orda.kz Мырзабосынов жайлы жазған болатын.