Сотталушы колония қызметкеріне шабуыл жасағаны үшін «Қара бүркітке» жіберіледі

Қостанайда сот колония қызметкеріне шабуыл жасаған сотталушыға жазасын төтенше режимдегі колонияда өтеуге үкім шығарды.

Оқиға 2021 жылдың қаңтар айында Қостанай қаласындағы «УК-161/2 мекемесі» қатаң режимдегі колониясының тігін цехында болған.

Мекеме қызметкері сотталушы Александр Рубчиковке тәртіпсіздігі үшін сөгіс берген. Ол сотталушыға ұнамай, ол қолына балға алып, сотталғандар еңбегін ұйымдастыру бөлімінің бастығының басынан және денесінен бірнеше рет соққан.  

Прокурор оны 10 жылға бас бостандығынан айыруды сұрады. Бірақ сот жеңіл жаза шығарған. Алайда сотталушы енді жазасын қатаң жағдайда өтейтін болады.

«Сот 7 жыл 6 айға бас бостандығынан айыру туралы үкім шығарды. Бұрынғы үкімдерді ескере отырып, соңғы үкім 8 жыл бас бостандығынан айыру жазасын төтенше жағдайдағы қылмыстық-атқару жүйесі мекемесінде өтеумен белгіленді» деп хабарлады Қостанай облыстық сотының баспасөз қызметі.

Ер адам бұған дейін зорлау әрекеті үшін үш жыл тоғыз айға бас бостандығынан айрылған. Енді ол қауіпті қылмыскерлер, оның ішінде өмір бойына бас бостандығынан айрылғандар жазасын өтеп жатқан «Қара бүркіт» колониясына жіберіледі.

Сот үкімі әлі заңды күшіне енген жоқ.