Сотталушы Бақытжан Байжанов Қуандық Бишімбаевтан қысым көргенін мәлімдеді

Қуандық Бишімбаевтан қысым көргенін Бақытжан Байжанов растады, деп хабарлайды Orda.kz порталы.

Астанада «әйелі Салтанат Нүкенованы аса қатыгездікпен өлтірді» деп айыпталған бұрынғы министр Қуандық Бишімбаевтың соты жалғасып жатыр.

Бүгінгі сот отырысында сотталушы Бақытжан Байжанов қамауда отырған өзіне Бауыржан Мусин есімді қоғамдық қорғаушы бірнеше рет келгенін айтты.  

«Камерадан шығып, оған барғанымда жанында Бишімбаев тұр екен. Ол кездесу ұйымдастырмақ болды. Мен бұрылып, кетіп қалдым», - деді Байжанов.

Сотталушы Қуандық Бишімбаев «Бақытжан Байжанов бәрін бұрмалап отыр»,-  деп мәлімдеді.

Іс Қазақстан Жоғарғы сотының YouTube-арнасында  тікелей эфирден көрсетіліп жатыр.