Сотталған бұрынғы вице-министр Тимур Тоқтабаевтың жазасы қатайтылды

Сотталған Қазақстанның бұрынғы индустрия және инфрақұрылымдық даму вице-министрі Тимур Тоқтабаевтың жазасы қатайтылды, деп хабарлайды Астана сотының баспасөз қызметі.

«Іс жазаны өтейтін мекемені өзгертуді сұраған прокурордың апелляциялық шағымы, сондай-ақ сотталушы мен оның қорғаушыларының оның кінәсіздігі туралы уәждерін келтірген өтініштері негізінде қаралды. Астана сотының қылмыстық істер жөніндегі сот алқасы қылмыс жасаудағы кінәсі дәлелденгендіктен үкімнің күшін жоюға негіз таппады. Қылмыстық-атқару жүйесі мекемесінде бас бостандығынан айыру жазасын өтеуге қатысты сот үкімі ең төменгі қауіпсіздіктен орташа қауіпсіздікке өзгертілді. Үкім заңды күшіне енді» делінген жұма күні тараған хабарламада.

Еске салайық, 27 қазанда Тоқтабаев қызметтік өкілеттігін асыра пайдаланды деп танылып, мүлкі тәркіленіп, өмір бойына мемлекеттік қызметте лауазымдарды атқару құқығынан және жеті жылға бас бостандығынан айырылған болатын. 

Сотта белгілі болғандай, шенеуніктің әрекетінен мемлекетке 40,6 миллиард теңге зиян келген.