Сотталған Павлодар облысының бұрынғы әкімі Бақауов жол апатына ұшырады

14 ақпан күні Павлодар-Қызылорда тас жолында жол көлік апаты орын алды. Апат кезінде істі болған Павлодар облысының бұрынғы әкімі Болат Бақауов зардап шекпеді.

Lexus жүргізушісі жол қозғалысы қауіпсіздігін сақтамай, жолағын ауыстырмақ болып, басқа көліктерге жол бермей, қарсы бағыттағы Lexus көлігімен соқтығысты, деп хабарлады Павлодар облыстық полиция департаментінің баспасөз қызметі.

Соққыдан кейін Lexus LX 570 бағытын өзгертіп, 33 жастағы жүргізуші басқарған ГАЗель көлігіне соғылған. Жол талғамайтын көліктердің бірінде, болжам бойынша, Павлодар облысының бұрынғы әкімі Болат Бақауов болған. 33 жастағы «ГАЗель» жүргізушісі оқиға орнынан Екібастұз қалалық ауруханасына жатқызылды.

Бас бостандығын шектеу дегеніміз нені білдіреді?

Мамандандырылған органға ескертпей тұрақты тұрғылықты жерін және жұмысын өзгертпеуге, белгілі бір жерлерге бармауға, бос уақытында тұрғылықты жерінен шықпауға, арнайы органның рұқсатынсыз басқа аймақтарға шықпауға тиіс.

Бақауов 2020 жылғы 27 мамырдағы сот үкімімен Павлодар қаласының пробация қызметінің есебінде тұр. Павлодар облыстық полиция департаментінің баспасөз қызметі Orda.kz сайтына хабарлағандай, Бақауов пробация қызметінің жазбаша хабарламасынан кейін кеткен.

Қазақстан Республикасының Қылмыстық-атқару кодексінің 66-бабына сәйкес бас бостандығын шектеу түріндегі жазасын өтеп жатқан сотталған:

• 1) сот жүктеген міндеттерді орындауға;
• 2) пробация қызметінің талаптарын сақтауға;
• 3) пробация қызметінің ұсынуы бойынша сот айқындаған орындарға бармауға;
• 4) пробация қызметіне хабарламай тұрғылықты, жұмыс, оқу орнын өзгертпеуге;
• 5) пробация қызметіне хабарламай әкімшілік-аумақтық бірлік шегінен шықпауға;
• 6) онымен тiркеу және тәрбие жұмысы үшiн белгiленген күндерде пробация қызметiне келуге.

Сонымен қатар, бас бостандығын шектеуге сотталғандар пробация қызметінің есебінде тұруы қажет. Айта кетерлігі, бұл жаза түрі тұрғылықты жері бойынша өтеледі. Барлық сотталғандарға бірдей бақылау шаралары қолданылады.

Бақауов не үшін сотталды?

2020 жылдың мамыр айында Павлодар облысының әкімі Болат Бақауов немере інісінің салық төлеуден жалтарған компаниясының қаржылық мүдделерін қорғауға қатысты сыбайлас жемқорлық қылмысы үшін сотталған болатын.

Бұрынғы әкім прокурормен мәмілеге келіп, қызметтік өкілеттігін асыра пайдаланғаны үшін 3 жыл 6 айға бас бостандығынан айырылды.

Павлодар облысының экс-әкімі сотқа мерзімінен бұрын шартты түрде босату туралы өтініш жазғанымен, сот оны қанағаттандырудан бас тартты.