Сотта Бишімбаевтың ағасы інісіне шағымданды

Бүгінгі Бишімбаевтың сотында екінші айыпталушы Бақытжан Байжанов өзіне қысым көрсеткенін мәлімдеді, деп хабарлайды Orda.kz порталы.

Сот отырысында Байжановтың адвокаты Бишімбаев пен Байжановтың бөлек отыруын сұрады.

«Бишімбаевтың Байжановпен байланысу мүмкіндігі болмауы үшін. Бұл Байжановтың қалауы. Байжанов өзіне қысым жасалып жатыр деп есептейді», - деді адвокат сотта.

Сотталушы Байжанов қорғаушының сөзін растады.

«Ол (Бишімбаев – еск.) маған: «Былай айт, былай айт» деп жан-жақты қысым көрсетіп жатыр. Айғақ беруге қатысты», - деді ол судьяға.