«Жабайы Арманның» қамаудағы мерзімі 7 наурызға дейін ұзартылды

Сот Қаңтар оқиғасы кезіндегі қылмысқа қатысы бар делінген Арман Жұмагелдиевтің («Дикий Арман») қамауда ұстау мерзімін 7 наурызға дейін ұзартты, деп хабарлайды Алматы сотының баспасөз қызметі.

«Алматы қаласының мамандандырылған ауданаралық тергеу сотының мәліметі бойынша, 2022 жылғы 29 желтоқсанда сот шешімімен сотқа дейінгі тергеу органының өтініші қанағаттандырылды. А.Ж.-ке қатысты қылмыстық іс материалдарымен танысу кезінде қамауда ұстауды екі ай мерзімге, яғни 2023 жылдың 7 наурызына дейін ұзарту туралы санкция берілді» деп хабарлады жұма күні сот.

Еске салайық, Арман Жұмагелдиевке қаңтар оқиғасы кезінде Алматыдағы тәртіпсіздіктер кезінде сол жерде тұрған 24 адамды ұрлады деген айып тағылып отыр. 2022 жылдың 2 қыркүйегінде Нұр-Сұлтанда ҰҚК бесінші департаментінің бұрынғы басшысы Руслан Ысқақов ұсталды.

Хабарланғандай, бір нұсқа бойынша, «Дикий Арманның» ұйымдасқан қылмыстық тобын ҰҚК қызметкерлері қадағалаған – бұл ақпарат 5 қаңтарда ресми түрде расталған.