Сот Трамптың порноактрисаға қатысты үкімін сайлаудан кейінге қалдырды

Трамп төрт жылға бас бостандығынан айырылуы мүмкін, бірақ судья жеңілірек жаза таңдауы да ғажап емес.

Нью-Йорк соты АҚШ-тың бұрынғы президенті әрі президенттікке үміткер Дональд Трампқа үкім шығаруды сайлаудан кейінге қалдырды, деп хабарлады CNN.

Судья Хуан Мерчан Трамптың адвокаттарының өтінішіне жауап ретінде 26 қарашада қылмыстық іс бойынша үкім шығаратынын айтты.

2024 жылдың мамырында Нью-Йорктегі қазылар алқасы Трамптың «бұрынғы президентпен қарым-қатынаста болды» деген порножұлдызға үнсіз ақша төлегенін жасырып, бизнес жазбаларын бұрмалағаны үшін 34 тармақпен айыпты деп тапты. Бірақ Жоғарғы соттың президенттің иммунитеті туралы шешіміне байланысты үкім бірнеше айға кейінге қалдырылды.

«Бұл іс өз алдына осы елдің тарихында ерекше орын алады... Қазылар алқасының мүшелері бұл іс бойынша тыңғылықты жұмыс істеді, және олардың үкімі құрметпен қаралуы керек және ол  алдағы президент сайлауына қатысты соттың зорлығымен әлсіремейтіндей болуы керек», - деп атап өтті судья Хуан Мерчан.

Трамп төрт жылға бас бостандығынан айырылуы мүмкін, бірақ судья пробация, үй қамақ, қоғамдық жұмыстар немесе айыппұл сияқты жеңілірек жаза таңдауы да мүмкін.

АҚШ президентінің сайлауы 2024 жылдың 5 қарашасында өтеді.