Сот реформасына қарсы мыңдаған адам Иерусалимге жақындады

Сот реформасына қарсы демонстранттар бірнеше күн бұрын Тель-Авивтен Иерусалимге жолға шықты, олардың колоннасы 70 шақырымға созылады, деп хабарлайды Deutsche Welle.

Мыңдаған адам үкіметтің сот реформасына қарсы шерумен Иерусалимге жақындады, Тель-Авив пен Иерусалим арасындағы тас жолда көлік қозғалысы қиындаған.

Тель-Авив пен Иерусалимді байланыстыратын тас жол бойында шеруге қатысу үшін келген наразылық білдірушілердің жүздеген көлігі жүріп келеді. Шерушілер колоннасы бірнеше шақырымға созылды. Тас жол бойында полицейлер мен су атқыштары бар көліктер кезекшілік етуде. Шерушілер жолды бөгемей, оң жақ жолақты басып алып, көп шақырымдық көлік кептелісін тудырды.

Наразылық акциясын ұйымдастырушылардың айтуынша, шеруге 20 мыңға жуық адам қатысуда. Олар сот реформасы бойынша келесі аптада қабылдануы мүмкін ең даулы заң жобасына қарсылық білдіріп, парламент ғимаратына бет алды.

Билік коалициясы мен оппозицияның құқықтық жүйені реформалау бойынша ымыраға келу жолындағы тығырыққа тірелген тұсында елдегі наразылық белсенділіктері айтарлықтай күшейді. Оның қарсыластарының пікірінше, бұл еврей мемлекетінің демократиялық табиғатына нұқсан келтіреді.

Сәрсенбі күні Израиль парламентінің заң шығару комиссиясы бұрынғы бірінші оқылымдағы заң жобасына Жоғарғы соттың атқарушы шешімдерді қадағалау мүмкіндігін шектейтін «ақылға қонымдылық факторы» туралы түзетулерді мақұлдады. Бұл қадам Беньямин Нетаньяху үкіметі жүргізген сот реформасының іс жүзінде басталғанын білдіреді.