«Сот пен жүйедегі заңсыздық»: Арыстанбек Мұхамедиұлының жұбайы Тоқаевқа үндеу жолдады

Қазақстанның бұрынғы мәдениет және спорт министрі Арыстанбек Мұхамедиұлының жұбайы Ғалия Ысқақова әлеуметтік желілерде ел президенті Қасым-Жомарт Тоқаевтың атына бейнеүндеу жариялап, Қазақстан Республикасының сот және құқық қорғау органдары істеп отырған заңсыздықтарды тоқтатуды және кәсіпкер Серік Қарымсақовтың жазасыздығына тосқауыл қоюды сұрады, деп хабарлайды Orda.kz.

Ғалия Ысқақованың айтуынша 2019 жылдан 2022 жылға дейін Серік Қарымсақов «Дипломат» қонақүйін екі рет сатып, жауапсыз судьялардың көмегімен қайта өз атына жаздыртып алған. Алайда сатылымнан түскен миллиардтаған теңгені қайтарған жоқ. Алғаш рет ол қонақүйді 2019 жылғы 24 мамырда 2,5 миллиард теңгеге сатты.

«Бұл ақшаны жаратып болған соң, сотқа арыз беріп, нысанды сатуға қойған жоқпын деп мәлімдеді. Судья талапты қанағаттандырып, Қарымсақов сатып алушыға тек 500 миллион теңге ғана қарыз деп шешім шығарды», – деді Ысқақова.

Оның ойынша Қарымсақов қонақүйге иелік ететін компанияның 71% үлесін менің анама 2,7 миллиард теңгеге сатқан болатын. Алайда кейін бұл мәмілені мойындаудан бас тартты. 2020 жылғы 2 маусымда ол «Ақтерек LTD» ЖШС-нің 71% үлесін менің анама 2,7 миллиард теңгеге сатты. 

«Судья Кәрімова, алғашқы жағдайдағыдай талап арызды мақұлдап, Қарымсақовқа 71% үлесті және қонақүйдің өзін қайтарды. Ал біздің отбасымызға 2,7 миллиард теңге қайтарылмады. Ол күйеуіме қатысты сотқа дейінгі тергеу жүргізіліп жатқанын пайдаланып, өзін жәбірленуші ретінде көрсетті», – деді Ысқақова.

Айта кетейік, бұрынғы мәдениет және спорт министрі Арыстанбек Мұхамедиұлы мемлекеттік қызметте жұмыс істеуге өмір бойы тыйым салынып, 11 жыл бас бостандығынан айырылған еді.

Оның адвокаты Төлеев 6 жыл 8 айға бас бостандығынан айырылды.

Экс-министрдің жұбайы Ғалия Ысқақова пара беру ісінде делдалдық жасағаны үшін кінәлі деп танылып, 6 айға бас бостандығынан айырылған болатын. Кейінірек сот оны жазасын өтеуден босатты.