Сот орындаушыны соққыға жыққан ер адам сотқа арыз берді

Алматыда сот орындаушыға соққы жасаған қақтығысқа қатысушы Мақсат Ысқақов сотқа арыз берді.

Бұл туралы Orda.kz хабарлады.

Мақсат Ысқақов әкімшілік сотқа жеке сот орындаушысының әрекетін заңсыз деп тану туралы арыз берген. Қалалық соттың баспасөз қызметі сотта істі алдын-ала тыңдау 5 қарашаға белгіленгенін хабарлады.

Естеріңізге сала кетейік, оқиға 4 қазанда Алматыдағы тұрғын үйге қосалқы салынған құрылысты бұзу шаралары кезінде болған. Ер адам сот орындаушысының қабырға тұсынан екі рет ұрды. Сот орындаушылар палатасы полицейлердің қатысуымен қызметкерді ұрып-соғу болғанын хабарлады.

Алматы қаласы Бостандық аудандық полиция басқармасының бастығы сот орындаушылардың әрекетсіздігі туралы айыптауларына жауап берді. Ал жәбірленушінің өзі видео хабарлама жасап, қол көтерген адамды сотқа беретіндігін айтты. Алайда, кейінірек ол осы роликтен кейін жауапқа тартылды.

Сондай-ақ, сот орындаушысын ұрған алматылық Мақсат Ысқақов өз нұсқасын айтты. Оның айтуынша, ол бір апта бұрын ғана осы үйді сатып алған.