Сот оқушы қызды зорлаған күдіктіні босатпайтын болды

Ақмола облысында сот оқушы қызды зорлады деп айыптаған ер адамның ақтау үкімін өзгертті.

Бұл туралы Orda.kz хабарлады.

Құқық қорғаушы Дина Таңсәрінің айтуынша, 2019 жылдың желтоқсанынан 2020 жылдың маусымына дейін 12 жасар қызға үш ер адам жыныстық зорлық көрсеткен. Мектеп оқушысы ағасының 25-26 жас аралығындағы достарын көрсетті. Баланың анасы қызының денесіндегі көгерген жерлерді көріп, полицияға арыз жазған.

Сот отырысы өтті. 2021 жылы 25 мамырда зорлау бойынша екі күдікті 20 жыл және 21 жылға бас бостандығынан айрылды. Олардың әрқайсысы жәбірленушіге моральдық шығын ретінде 2 млн теңге төлеуі тиіс.

Іс бойынша үшінші айыпталушы алқабилермен қаралып, 8 маусымда ақталды.

Прокурор мен жәбірленушінің заңды өкілі үкімге наразылық білдірді. Апелляцияны судьялар алқасы қарады.

- Ақмола облыстық сотының қылмыстық істер жөніндегі сот алқасының шешімімен Қылмыстық істер жөніндегі мамандандырылған ауданаралық сотының К.-ға қатысты ақтау үкімі жойылды. Қылмыстық іс сол сотқа басқа құрамда жаңа қарауға жіберілді, - деп хабарлады соттың баспасөз қызметі.

Үкім күшінің жойылу себебі алқаби құру кезінде іс жүргізу заңнамасы мен іс бойынша дәлелдемелерді зерттеу тәртібін елеулі түрде бұзу болып отыр.