Сот Ақбұлақ атқышының үйі неге арзанға сатылғанын айтты

Алматы қалалық соты неге арты атысқа ұласып, бес адамның өмірін қиған даулы үй арзанға сатылғанын айтты.

Бұл туралы Orda.kz Express Qazaqstan сайтына сілтеме жасап хабарлады.

Олардың айтуынша, үйді аукционға қойғанда, оның бастапқы бағасы ешкімді қызықтырмаған.

– Бастапқыда кепілге қойылған нысан 184 млн теңгеге бағаланды. Бірақ бұл нарықтағы баға емес. Бұл — кәсіби бағалаушының субъективті бағасы. Мұндай бағалау аукционда сатудың бастапқы бағасын белгілеу үшін қажет. Нысанның нарықтық бағасы аукционда анықталады, ол сатып алушылардың сұранысына байланысты. Нәтижесінде Игорь Дужнов пен Анаид Демирчянның коммерциялық жылжымайтын мүлкін банк ұсынғаннан жоғары бағаға сатып алушы табылмады (96 млн теңге). Борышкерлердің өзі коммерциялық нысанды аукционда сатуға наразылық білдірген жоқ. Яғни олар аукцион аяқталғандағы бағамен келіскен, - деп түсіндірді қалалық соттың ресми өкілі.

Борышкерлер үйді өздері де сатуға қойса болар еді, бірақ олар өз мүмкіндіктерін пайдаланбаған көрінеді.

– Заң бойынша, Дужнов пен Демирчян кепілге қойған мүліктерін өздері сатып, банкпен есеп айырысуларына болар еді. Алайда олар бұл құқықты пайдаланбады. Қарызды қайтару туралы сот шешімі үш жыл ішінде (2017 жылға дейін) орындалмай қала берді. Егер борышкер қарызды қайтармаса, онда заң бойынша сот шешімі мәжбүрлі түрде орындалады. Ол үшін сот орындаушысы кепілге қойылған нысанды электронды аукционға қояды, - деді сотта.