«Сот мақұлдамады»: Бұрхан Жансейітовке Алматы прокуратурасы жеңіл жаза ұсынды

2022 жылы ұйымдасқан қылмыстық топты ұстауға бара жатқан құзырлы орган қызметіне кедергі келтірген Бұрхан Жансейітовке Алматы қалалық прокуратурасы қайта-қайта жеңіл жаза беріп жатыр. Бірінші сот та, екінші сот та жеңіл жазаны қабылдамай, істі қайта прокуратураға қайтарды.

Orda.kz тілшісі осы істің шешімдерін ықшамдап назарларыңызға ұсынады.

Айып

Бұрхан Жансейітов Азаматтық кодекстің 293-бабының 3-бөлімі 2-тармағы мен 380-бабының 2-бөлігі бойынша айыпталды. Ол ұйымдасқан қылмыстық топты ұстамақ болған полиция қызметкерлеріне кедергі жасап, дөңгелегін тесіп, біреуін ұрып, балағаттап, оларды тоқтату үшін барын салған.

Сондай-ақ, оның дөрекілігі жазылған бейнежазба telegram арналарда тарап кеткен еді.

Оны сол кезде адвокат деп айтқан болатын. Алайда республикалық адвокаттар алқасы бұл ақпаратты жоққа шығарды.

Басында Жансейітов өз кінәсін мойындап, процессуалдық келісім жасасуға келісті, оған сәйкес ол 3 жылдан 5 жылға дейін бас бостандығынан айырылуы мүмкін еді.

Соттың бірінші шешімі

Бірінші 2024 жылғы 24 мамырда шыққан шешімде сот прокурор берген жазаға келіспейді. Тым жеңіл жаза деп істі қайтарып береді.

Осылай Бостандық ауданының №2 соты істі прокурорға қайта жіберіп, жаңа келісім жасау қажеттігін атап өтті. Сот төрағасы ұсынылған жазаның қылмыс түріне және ҚР ҚК санкцияларына сәйкес келмейтінін білдірді.

Сот жеңіл жаза беруге келіспей отыр

2024 жылғы 23 шілдеде жаңа процессуалдық келісім ұсынылды. Оған сәйкес тараптар Жансейітовке 5 жылға бас бостандығынан айыру мен шартты жазаны және пробациялық бақылауды келісіп отырды. Бірақ сот тағы да келісімді қабылдамай, қылмыстың қоғамға қауіптілігіне сәйкес келмейтінін және жазаның жеңілдетілгенін мәлімдеді.

Іс бойынша прокурор мен сот жазаның әділдігіне қатысты келісе алмай отыр. Прокурор шартты жазамен пробациялық бақылауды талап етсе, сот жазаның қылмысқа сай болуы үшін қатаңырақ жазаны беру керек деп отыр. Осылайша бірінші сот қабылдаған шешімді өзгеріссіз қалдыру жайлы шешім қабылдады.

Orda.kz бұған дейін Бұрхан Жансейітов жайлы жазған болатын.