Сот Қазақстандағы уақыт белдеуіне қатысты шешім шығарды

Астананың азаматтық істер жөніндегі ауданаралық соты сағат белдеуінің өзгеруіне байланысты үкіметке қарсы шағым бойынша шешім шығарды, деп хабарлайды Orda.kz.

Сотта хабарланғандай, талап қоюға уақыт белдеуі мен астрономиялық уақыттың сәйкес келмеуі, жауапкердің мұндай шешім қабылдауға құзіреті жоқтығы және мәтіннің жартысынан көбінің өзгертілуі негіз болды. 

Сот «Өлшем бірлігін қамтамасыз ету туралы» заң осы саладағы мемлекеттік саясатты әзірлеуді үкіметтің құзыретіне жатқызатынын түсіндірді. 2000 жылы уақытты есептеу мәселелері бойынша ұсыныс енгізетін Уақыт және анықтамалық жиіліктер жөніндегі ведомствоаралық комиссия құрылды.

Сот үкіметтің Конституцияның 69-бабында көзделген өкілеттіктер шегінде әрекет ететінін, оған сәйкес оның шешімдері бүкіл ел бойынша міндетті болатынын атап өтті.

«Сонымен қатар, 2000 жылғы 23 қарашадағы қаулы қабылданғаннан бері 24 жылдан астам уақыт өтсе де, талап қоюшы нормативтік құқықтық акті мәтінінің жартысынан көбін өзгерту туралы уәждері үш жыл жалпы талап қою мерзімін өткізіп алғаны расталған, бұл дәлел қаулыны заңсыз деп тануға негіз бола алмайды, өйткені жауапкердің құқықтық актілерді шығару тәртібі бұзылмаған» делінген хабарламада.

Осылайша, сот  Қазақстан азаматының талабын қанағаттандырудан бас тартты.

Шешім заңды күшіне енген жоқ.