Сот ЭКСПО экс-басшысы Талғат Ермегияевті мерзімінен бұрын босатудан бас тартты

Алматы облыстық соты ұлттық «Астана ЭКСПО — 2017» компаниясының бұрынғы басшысы Талғат Ермегияевтің апелляциялық шағымын қарады, деп хабарлайды Orda.kz.

Биыл шілде айында сот оның шартты түрде мерзімінен бұрын босату жайлы өтінішінен бас тартқан болатын. Қорғаушылары бұл шешімге апелляциялық шағым түсірген. Алайда бүгін сот бірінші инстанцияның шешімін күшінде қалдырды. Ермегияев 14 жыл жазасын өтеуді жалғастырады. Ақпаратты оның қорғаушысы Анар Құсайынова растады.

ЭКСПО-2017 халықаралық көрмесін ұйымдастыруда шешуші рөл атқарған Ермегияев 2016 жылы 780 миллион теңге пара алды деп танылып, қатаң режимдегі колонияға қамалды. Ол колонияда шамамен 10 жылын өтеді.

Сот Ермегияевтен «Астана ЭКСПО-2017» ұлттық компаниясының пайдасына 5,9 миллиард теңге өндіруді міндеттеді. Бұл қылмыстық іс бойынша тағы 22 адам сотталған.

Айта кетсек, Ермегияев 935 миллион теңге көлеміндегі шығынды мемлекетке өтеді.