Сот Дужновтың әйеліне қарсы «ЦентрКредит» түсірген арызды қабылдамады

Алматы қаласының Бостандық аудандық соты «БанкЦентрКредит» компаниясы атынан жазылғын Анаид Демирчянға қарсы талап арызды қабылдамай қойды.

Бұл туралы Orda.kz хабарлады.

Банк төленбеген несие бойынша кепілге қойылған жылжымайтын мүлікті пайдалану үшін кедергілерді алып тастауды талап етті.

Сот «БанкЦентрКредит» өз құқықтарын қорғау әдісін дұрыс таңдамаған деген қорытындыға келді.

2021 жылдың сәуір айында банк ақбұлақтық атқыш Дужновтың жұбайына тиесілі жер телімі бар тұрғын емес жылжымайтын мүлікке меншік құқығын алды. Ол меншік еш төленбеген несие үшін кепіл ретінде қойылған.

Бірақ, бұрынғы иесі ғимаратты босатпағандықтан, іс жүзінде банк бұл құқыққа әлі де иелік етпейді. Сол кезде «ЦентрКредит» Демирчянды «жер учаскесі бар тұрғын емес мүлікті пайдаланудағы кедергілерді жою үшін» сотқа тартты.

Сот қазір жылжымайтын мүлікті төрт жеке тұлға жалға алғанын анықтады. Олардың жылдық жалдау шарттары 2021 жылдың сәуіріне дейін. Бұл шарт мүлік банкке тиесілі болмаған кезде жасалған. Талапкер оларға қарсы болған жоқ.

Сондықтан сот мүлікті пайдаланудағы кедергілерді жою талабын Демирчянға емес, жалға алушыларға қою қажет деп санайды.

Үкім әлі заңды күшіне енген жоқ және бұл шешімге қарсы шағым түсуі мүмкін.

Естеріңізге сала кетейік, 20 қыркүйекте Игорь Дужновты үйден шығару кезінде ол сот орындаушысын, екі учаскелік полиция қызметкерін, үйдің жаңа иесі мен оның досын атып өлтірген. Осыдан он жыл бұрын Игорь Дужнов пен оның жұбайы Анаид Демирчян банктен жылжымайтын мүлік кепілімен несие алған. Қарыз уақытында қайтарылмады және үй аукционнан жаңа иесі Нұрахмет Тұрғановқа сатылды. Игорь Дужнов 20 жылға дейін бас бостандығынан айрылуы мүмкін.