Сот «Азаттық радиосына» жалған ақпарат таратты деп айыппұл салды

Алматы қаласының соты «Азаттық радиосы» медиакорпорациясының Қазақстандағы өкілдігіне 50 айлық есептік көрсеткіш (184 мың теңге) көлемінде айыппұл салды, деп хабарлайды Orda.kz.

Бұл шешім 2024 жылдың 20 қарашасында Шымкент тұрғынының шағымынан соң қабылданды. Ол Азаттық порталын қазақстандық журналист Данияр Әділбековтің ісі бойынша мәлімдемені қате аударды деп айыптаған. Қателігін мойындап, оны түзетуге дайын болуына қарамастан, сот ақпаратты жалған деп танып, айыппұл салды. 

«Қасым Аманжол Азаттық тілшісі қателік жібергенін айтып, істі қарауды тоқтатуды сұрады. 20 қарашада Әкімшілік соттың судьясы Ержан Алдабек Азаттық өкілдігін әкімшілік құқық бұзушылық туралы кодекстің 456-2-бабы 2-бөлігіне сәйкес айыппұл салу туралы қаулы шығарды. Сот Азаттықтың қателікті мойындап, оны түзетуге дайын екендігі туралы дәлелдерін ескерген жоқ» деп жазды Азаттық радиосы.