Сот Арыстанбек Мұхамедиұлының аппеляциясын мақұлдамады

Астана қаласының апелляциялық соты экс-мәдениет министрі Арыстанбек Мухамедиулының ісі бойынша шығарылған үкімді өзгеріссіз қалдырды.

Бұл туралы Астана қалалық соты хабарлады.

Сот алқасы сотталғандардың және олардың адвокаттарының үкімді жоюды және сот тергеуін қайта бастау туралы шағымдарын қабылдамады.

2024 жылдың 21 тамызында өткен отырыста сот төрағасы Мұхамедиұлы мен басқа да айыпталушыларға қатысты 2024 жылдың 29 ақпанында шыққан үкімнің күшінде қалғанын хабарлады.

Мұхамедиұлы мынадай айыптар тағылып 11 жылға бас бостандығынан айырылды:

• «Алтын адам» көрмесін ұйымдастыру кезінде қаржы жымқыру;
• Лауазымдық өкілеттікті асыра пайдалану;
• «Дипломат» қонақ үйіне қатысты рейдерлік;
•  Пара беру.

Үкім жарияланған сәттен бастап заңды күшіне енеді.