Сот алқасы полиция қызметкеріне қатысты үкімді өзгертті

«Әйелін буындырып өлтірген полиция қызметкері»: Қылмысқа дейінгі мінезі үшін тағы 2 жыл қосылды.

Бұл туралы Қостанай облыстық соты хабарлады.

Қостанай облысы бойынша қылмыстық істер жөніндегі мамандандырылған ауданаралық сотының үкімімен қылмыскер Т. өзінің жұбайын өлтіргені үшін кінәлі деп танылып, оған 9 жылға бас бостандығынан айыру жазасы тағайындалды. 

«Сотталушы Т. жұбайымен болған жанжал барысында оны ұзартқыш сыммен тұншықтырып өлтіргенін айтқан. Әрі қарай, жасаған қылмысын жасыру мақсатында ол мәйітті гаражға апарып, сол жерде асылып, өз-өзіне қол жұмсады деген.  Сот-медициналық сараптама қорытындысына сәйкес жәбірленушінің өлімі мойынның қысылуына байланысты механикалық асфиксия салдарынан болған» деп мәлімдеді сот.

Сот алқасы бірінші сатыдағы соттың Т-нің әйелін өлтіруге кінәлі деген қорытындыларымен келісіп, бірақ тағайындалған жаза бөлігінде сот үкімін өзгерткен. Сотталған Т-ның жеке басын оның қылмыс жасағанға дейінгі және одан кейінгі мінез-құлқын, ескере отырып, сотталушыға сот алқасы тағайындаған жазасын 9 жылдан 11 жылға дейін созды, жәбірленушінің бас бостандығынан айыруға апелляциялық шағымын ішінара қанағаттандырды.