Солтүстік Корея тағы да зымыран ұшырды

Солтүстік Корея бір аптада екінші рет қанатты зымыран ұшырды, деп хабарлайды Orda.kz.

Reuters агенттігінің хабарлауынша, снарядтар елдің шығыс жағалауынан жергілікті уақыт бойынша сағат 8:00 шамасында ұшырылған. Нақты қанша екені айтылмады.

Оңтүстік Корея әскерилері осындай ұшырулар болғаны туралы хабарлады. Сонымен бірге, 24 қаңтарда Пхеньян жаңа Pulhwasal -3-31 стратегиялық қанатты зымыранын сәтті сынақтан өткізгенін мәлімдеді.

Сарапшылар Ким Чен Ын үкіметі арандатушылық әрекеттерін жалғастыра береді деп есептейді. Баллистикалық зымырандарды жасау саласындағы жетістіктері мен Ресеймен ынтымақтастықтың артуына байланысты мұнда белсенділік күшеюі мүмкін. Алайда сарапшылар Солтүстік Корея тарапынан соғыс қимылдарына дайындық белгілерін байқамағандарын айтады.

Дегенмен Оңтүстік Корея бұндай шиеленісті жағдайға дайын болуды ұйғарған.

 «Осы жылдың басынан бері біздің республикаға қарсы ядролық соғыс жаттығулары қызу қарқынмен жалғасып жатқаны бүгінгі шындық. Бұл біздің қырып-жоятын соғысқа толық дайын болуымызды талап етеді», - дейді Оңтүстік Корея әскерилері.