Солтүстік Корея Оңтүстік Кореямен шектескен шекараны толық жауып тастады

КХДР Оңтүстік Кореяға апаратын автомобиль және темір жолдарын жауып тастады, деп хабарлайды Orda.kz.

Yonhap ақпараттық агенттігінің мәліметтеріне сүйенсек, Солтүстік Корея билігі «республиканың оңтүстік шекара аймағында күннен-күнге әскери дағдарыс көбейіп, жарылыс қаупі төніп тұрған маңызды жағдайға» жауап ретінде осындай шаралар қабылдағанын мәлімдеді.

«9 қазаннан бастап Оңтүстік Кореямен шектескен [КХДР] Корей Халық республикасы аумағындағы автомобиль және темір жолдарын толық жабуға бағытталған құрылыс жұмыстары жүргізілетін болады»,  деп мәлімдеді КХДР Бас штабы.