Солтүстік Корея Қазақстанды футболдан ойсырата жеңді

Қазақстан ұлттық құрамасы Солтүстік Корея командасымен өткен кездесуде 0:2 есебімен жеңіліс тапты, деп хабарлайды Orda.kz.

Бұл матч ФИФА күнтізбесіне енбегендіктен, ресми статистикаға енгізілмеді. Солтүстік кореялықтар голдарын 70-ші және 95-ші минуттарда соқты.

Қазақстан құрамасы бұл ойында жас ойыншылар мен қосалқы құрамды сынап көрді. Бас бапкер Әли Әлиев Түркиядағы оқу-жаттығу жиындарына негізгі құрамға үміткерлер мен жастарды шақырды.

Бұған дейін қазақстандық футболшылар Ташкенттің «Локомотивімен» тең ойнаған (1:1), ал Солтүстік Корея құрамасы өзбекстандық «Сурханды» (3:1) және ресейлік «Рубинді» (4:1) жеңген еді. Сонымен қатар, олар «Балтикаямен» (1:1) тең түсіп, «Түменге» (0:1) есе жіберді.

Қазақстан құрамасы 23 наурызда Уэльс командасына қарсы 2026 жылғы әлем чемпионатына іріктеу кезеңіндегі алғашқы ресми матчына шығады. Бұл турнирде отандық футболшылар Бельгия, Солтүстік Македония және Лихтенштейн құрамаларымен де кездеседі.