Солтүстік Қазақстан облысындағы жемқорлық

Солтүстік Қазақстан облысында Қызылжар, Мәмлүт және басқа да аудандардағы  денсаулық сақтау, білім беру және мәдениет саласында жұмыс істейтін 5 мың маман  коммуналдық қызметтер мен отын сатып алуға арналған төлемдерді ала алмағаны белгілі болды, деп хабарлайды Orda.kz.

Қызылжар, Ғ.Мүсірепов, Мәмлүт, Шал ақын, Тайынша аудандарында «Агроөнеркәсіптік кешенді және ауылдық аумақтарды дамытуды мемлекеттік реттеу туралы» ҚР Заңы талаптарына қайшы, ауылдық жерлерде тұратын денсаулық сақтау, білім беру, мәдениет, спорт саласындағы 5 мың маманға коммуналдық қызметтер мен отын сатып алу үшін әлеуметтік көмек төлеу көзделмеген.

«Прокурорлық қадағалау актісі бойынша мәслихат шешімдерінде жоғарыда аталған төлемдер көзделіп, қазіргі уақытта жергілікті атқарушы органдар мамандар үшін 115,1 млн теңге сомасына бюджет қаражатын бөлді. Бүгінгі таңда 2 АЕК мөлшерінде әлеуметтік көмек төленіп жатыр», деп мәлімдеді Солтүстік Қазақстан облысының прокуратурасы.