Солтүстік Қазақстан облысында солтүстік жарқылы байқалды

Қазақстан үшін сирек кездесетін астрономиялық құбылыс – Солтүстік Қазақстан облысында қарашаның 5-інен 6-сына қараған түні солтүстік жарқылы байқалды.

Бірегей құбылысты жергілікті тұрғындар суретке түсіріп алған.

Мамлют, Аққайың аудандарына қарасты Бексейіт, Кондратовка, Қиялы ауылдарының жүздеген тұрғындары солтүстік нұрының куәсі болды. Жексенбі күні кешке ерекше қызғылт-жасыл жарқырау тіркелді. Ауыл тұрғындары 10-15 минут бойы сұлулықты тамашалады.

Айтпақшы, солтүстік жарықтар – күн желінің зарядталған бөлшектері Жердің магнит өрісін жарып өтіп, ауа молекулаларымен кездескен кезде атмосфераның жоғарғы қабаттарында пайда болатын ерекше табиғи құбылыс. Олар шамамен 100 шқ биіктікте таңғажайып көп түсті жарқырауға айналды.

Ерекше құбылыс, сарапшылардың пікірінше, Солтүстік полюске жақын аймақтарға тән, сондықтан Норвегия, Финляндия, Швеция және Солтүстік Ресей тұрғындары түнгі аспандағы мұндай әдемі құбылысқа таң қалмайды.