Солтүстік Қазақстан облысында 100 жаңа үйдің құрылысы басталды

Су тасқыны басталғалы облыста 3898 үйді су басқан. Су басқан ғимараттардың 40 пайызға жуығы енді тұруға жарамсыз болып қалды, деп хабарлайды Orda.kz.

Солнечное – 2 ауылында 100 жаңа үйдің құрылысы басталып кетті.

27 сәуірде Солтүстік Қазақстан облысына Премьер-Министрдің орынбасары Қанат Бозымбаев, «Қазақмыс Холдингі» АҚ директорлар кеңесінің төрағасы Эдуард Огай, Kaspi.kz директорлар кеңесінің төрағасы Вячеслав Ким және KAZ Minerals басқармасы басқармасының төрағасы Эльдар Мамедов болды. Олар қалпына келтіру жұмыстарының барысымен танысып, жергілікті тұрғындармен кездесті.

«Мемлекет басшысының тапсырмасы бойынша мен үш ірі компанияның акционерлерімен және басшылығымен бірге осы өңірге келдім. Жалпы сомасы 60 млрд теңге су тасқынынан зардап шеккендерге пәтер сатып алуға және үй салуға бағытталады», - деді Премьер-Министрдің орынбасары. 

Президенттің тапсырмасымен ірі бизнесмендер мен кәсіпкерлер де су тасқыны аймағына қол үшін беруге тартылғаны белгілі.

«Мұндай жағдай біздің елде бірінші рет болып отыр. Бұл нағыз апат екенін өз көзіммен көрдім. Ешкім де бейжай қалмауы керек. Мұнда бәрі тең. Біз бірге қолдан келгеннің бәрін жасауға тырысамыз», - деді Вячеслав Ким.