Солтүстік Қазақстан облысының прокуроры тағайындалды

Қайрат Әбдіханов Солтүстік Қазақстан облысының бас прокуроры болып тағайындалды.

Бүл туралы Бас прокуратураның баспасөз қызметі хабарлайды.

«Қазақстан Республикасы Президентінің келісімі бойынша ротация тәртібімен Бас Прокурордың 2023 жылғы 15 мамырдағы бұйрығымен 3-сыныпты мемлекеттік әділет кеңесшісі Қайрат Әлиханұлы Әбдіханов Солтүстік Қазақстан облысының прокуроры болып тағайындалды» делінген Бас прокуратураның хабарламасында.

Бұл тағайындауға дейін ол Павлодар облысы прокуратурасын басқарған.

Қайрат Әбдіханов 51 жаста, ол Алматы облысының тумасы. Еңбек жолын 1996 жылы Алматы облысы Талғар ауданы прокурорының көмекшісі болып бастаған.

Осы жылдар ішінде Алматы қаласы Алмалы ауданы прокурорының орынбасары, Алматы облысы Жамбыл ауданы мен Талдықорған қаласының прокуроры, Атырау, Оңтүстік Қазақстан және Қызылорда облыстары прокурорының орынбасары қызметтерін атқарды.

Қайрат Әбдіханов Алматы облысы прокурорының бірінші орынбасары қызметін де атқарған. Құқықтық тәртіпті нығайтуға қосқан үлесі үшін ІІ дәрежелі «Айбын» орденімен марапатталған. Прокуратураның құрметті қызметкері.

Бұған дейін Солтүстік Қазақстан облысының прокуратурасын басқарған Бағбан Тайымбетов қызметте болудың шекті жасына байланысты қызметінен босатылды.