СҚО-да белгісіз адамдар бейіттерді қиратқан

Солтүстік Қазақстан облысының тұрғыны қасиетті Рамазан айында бейіттерді қиратып, жан-жағын шашып кеткен. Жергілікті тұрғын бұл мәселені «марқұмдарды қорлау» деп атап, полицияға арызданған.

СҚО полиция департаменті оқиғаға қатысты түсініктеме берді.

«17 сәуірде Солтүстік Қазақстан облысы Айыртау ауданы ПБ-не 61 жастағы Көкшетау қаласының тұрғыны 2023 жылдың басынан 15 сәуірге дейінгі аралықта белгісіз біреулер Айыртау ауданы, Жұмысшы ауылының маңындағы зиратта орналасқан ата-анасының бейітін қорлағанын айтып арызданған» деп хабарлады мекеме.

Оқиға орнына жедел-тергеу тобы аттанды. Бұған дейін бейітте темір қоршаудың бір бөлігінің жоқ екені анықталған.

Сотқа дейінгі тергеу басталды. Қазіргі таңда жедел-іздестіру шаралары жүргізілуде.