Солтүстік өңірді Ресейге беруді ұсынған азаматқа қатысты қылмыстық іс қозғалды

Ұлытауда Қазақстанның солтүстік өңірін Ресейге беруді ұсынған азаматқа қатысты қылмыстық іс қозғалды.

Бұған дейін жезқазғандықтардың чаттарының бірінде солтүстік өңірді Ресейге беру туралы ұсыныс айтқан азаматтың бейнежазбасы тараған еді.

Оның бұл пікірі қоғамда қызу талқыға түсті. Жергілікті тұрғындар полиция қызметкерлерінен бұл тұрғыда шара қабылдауды сұраған болатын.

Облыстық прокуратура А. Сысоевқа қатысты ел тұтастығын бұзуға үгіттеу бойынша қылмыстық іс қозғады.