Солтүстік Корея Жапонияға баллистикалық зымыран ұшырды

Солтүстік Корея Жапон теңізіне баллистикалық зымыран ұшырды. Бұл туралы Yonhap агенттігі хабарлайды.

Солтүстік Кореяның зымырандық әрекетін бақылайтын Оңтүстік Кореяның Біріккен штаб бастықтары да осыны хабарлады. Зымыранның ұшу қашықтығы, биіктігі мен жылдамдығы туралы әзірге ақпарат  жоқ.

Агенттіктің хабарлауынша, Пхеньян Сеулдің өткен аптада қатты отынды ғарыштық зымыран ұшыруына жауап ретінде өзінің атыс күшін көрсете бастады.

31 желтоқсан күні таңертең Солтүстік Корея Жапонияға қарай қысқа қашықтықтағы үш баллистикалық зымыранды ұшырды. Снарядтар максималды 100 шақырым биіктікте 350 шақырым ұшып, одан кейін Жапонияның ерекше экономикалық аймағынан тыс теңізге құлады.

Айта кетерлігі, зымыран сынақтарынан кейін кемелерге зақым келгені туралы ақпарат болған жоқ.