Солтүстік Қазақстанда учаскелік инспектор жолда тұрып қалған көлікке көмектесті

Солтүстік Қазақстанда тас жолда учаскелік инспектор Александр Данилов аязда тұрып қалған көлікке көмектесті.

Солтүстік Қазақстан облысы Қызылжар ауданы аумағында болған оқиға туралы Instagram қолданушысы айтып берді. Мұндай ақпаратпен Ішкі істер министрлігінің баспасөз қызметі бөлісті.

«Балалармен Вознесеновка ауылына барғанмын. Қайтар жолда орманның жанына тоқтап, суретке түсіп, таза ауа жұтуды жөн көрдік. Дем алуын дем алдық қой. Көлікке барсақ, кілттері жоқ. Ұзақ іздедік, шамамен 40 минуттай. 5 және 10 жасар балаларым қатты тоңып қалды. Ең болмағанда біреуі тоқтаса болар еді. Көліктегі барлық есіктер айқара ашық болғанымен. Ана мен бала трассада не істеп жүр деп сұрау ешкімнің ойына келмеді. Бірақ сол кезде көлік тоқтап, ішінен Куйбышев ауылдық округінің учаскелік инспекторы Александр Данилов деген жас жігіт түсті. Ол бізге көп көмектесті, біздің ізімізбен орманға кіріп, кілттерді тауып берді. Осындай қызметкерлер үшін Қызылжар аудандық полиция бөлімінің жергілікті полиция бөліміне алғысымды білдіремін» деді Instagram қолданушысы.

Оқиға жексенбі, 12 желтоқсанда болған. Полиция капитаны Данилов 15 сантиметрлік қардың ішінен кілтті іздеу ақылға қонымсыз болып көрінгенін еске алды. Ол эвакуаторды күтуге тура келетініне сенімді болды, бірақ бәрібір де кілтті іздеуге бел буды.