Солтүстік Қазақстанда оқтан зақымдалған шенеуніктің көлігі табылды

Солтүстік Қазақстан облысы Челябі - Новосибирск тас жолында оқтан әйнегі сынып, әбден зақымданған нөмірсіз көлік табылды.

Суреттер мен видеолар желіде қызу талқыға түсті.

«18 желтоқсанда сағат 11:00 шамасында Чистое ауылының маңында «Челябі – Новосибирск» автожолының 635 шақырымында мемлекеттік тіркеу нөмірі жоқ, зақымдалған «Hyundai Accent» автокөлігі табылды. Аталған дерек бойынша зардап шеккендер жоқ. Автокөлік ҚР Білім және ғылым министрлігінің Солтүстік Қазақстан облысы білім саласындағы бақылау департаментіне тіркелген. Оны Петропавл қаласының 25 жастағы тұрғыны жүргізетіні анықталды» деп түсіндірді жергілікті полиция департаменті.

Көлік иесінің айтуынша, 17 желтоқсан сағат 22:00 кезінде көлік істен шығып қалған. Артынша ер адам оның нөмірін шешіп алып, жол жиегінде жауып, тастап кеткен.

Қазіргі таңда полицейлер оның сөзінің растығын тексеріп жатыр. Іс «Біреудің мүлкін қасақана жою немесе бүлдіру» бабы бойынша тіркеліп жатыр.