Солтүстік Қазақстан облысында өрттен төрт адам көз жұмды

Солтүстік Қазақстан облысындағы Булаево аймағы орталығындағы өрттен төрт адам қайтыс болды, деп ТЖМ баспасөз қызметі хабарлады.

11 ақпан сағат 7:02-де 112 нөміріне ағаштан салынған жеке тұрғын үйден өрт шыққаны туралы ақпарат келіп түсті. Көршілерінің айтуынша, үйде бір отбасы тұрған.

Өрт сөндіру қызметі төтенше жағдай орнына аттанып, дереу өртті сөндіруге кірісті. Өрт сөндіру бөлімі келген кезде үйдің шатыры жалындап жанып тұрған. Көп ұзамай үйде газ балоны жарылып, шатыры құлаған.

Өртті сөндіру кезінде төрт адамның мәйіті табылды. Үйде 1993 жылғы және 1992 жылғы ерлі-зайыптылар мен 2017 жылы туылған балалары болған. Сонымен қатар, өрттен табылған бір әйелдің жеке басы анықталмады.

Өрт 9:03-те оқшауланды, яғни, 13 сағат 54 минутта сөндірілді.

Өртті жоюға Солтүстік Қазақстан облысы Төтенше жағдайлар департаменті мен «СПиАСР» ММ 3 бірлік техника мен 11 жеке құрам жұмылдырылды.

Өрт салдарынан үй толығымен жанып кетті.

Өрт себебі және материалдық шығын анықталды. Қаза тапқандардың туыстарына психологиялық көмек көрсетіліп жатыр.