Солтүстік Қазақстан облысында бес жасар бала өрттен қайтыс болды

Солтүстік Қазақстан облысында тұрғын үйден шыққан өрттен бес жасар бала қайтыс болды, деп хабарлады облыстық ТЖД.

— 1 наурызда сағат 18.59-да Новороссийк ауылындағы тұрғын үйден өрт шықты деген хабарлама келді. Бір қабатты тұрғын үйдегі пәтер өртеніп жатқан. Оқиға орнына өрт сөндірушілер жеткенше, үйдегі 5 жасар бала көз жұмған. Өлімнің себебін анықтау үшін мәйіт сараптамаға жіберілді, деді брифингте төтенше жағдайларды жою бөлімінің бастығы Серік Наурызбаев.

Өрт кезінде бала үйде жалғыз болған. Ал оның ата-анасы жергілікті ЖШС-де жұмыста болған. Өрттің себебі анықталып жатыр. Мамандар оның себебі пештің дұрыс жұмыс істемеуі болуы мүмкін деп санайды.

Серік Наурызаев өрт сөндірушілер оқиға орнына бір сағаттан астам уақыт жүргенін және олар жеткенше үй өртеніп кеткенін айтты. Үйдің екінші жартысына зақым келмеген.