«Союз-5»-тің ұшырылуы Қазақстанға байланысты кейінге қалдырылуы мүмкін - Рогозин

2023 жылдың соңына жоспарланған келешегі зор «Союз-5» зымыран тасығышының бірінші ұшырылуы 2024 жылға шегерілуі мүмкін.

Бұл туралы Роскосмостың бас директоры Дмитрий Рогозин мәлімдеп, егер қазақстандық тарап «Бәйтерек» жобасы бойынша жұмыстың бір бөлігін аяқтап үлгермесе, мұндай кешігудің болуы мүмкін екенін айтты.

 «Зымыран біз жоспарлағандай 2023 жылдың соңына дейін дайын болады. Егер қазақстандық тарап өз жұмысының бір бөлігін кешіктірсе, бұл ұшыру 2024 жылға дейін созылады деген сөз»  деп келтіреді Рогозиннің мәлімдемесін ТАСС.

Роскосмос басшысының айтуынша, зымыранды жасау бойынша жұмыстар басталды, қазір жанармай цистерналары мен жекелеген жүйелердің динамикалық және статикалық сынақтары жүргізілуде. Бұл ретте, сейсенбіде Қазақстанның Цифрлық даму, инновациялар және аэроғарыш өнеркәсібі министрі Бағдат Мусин құрылысты бастау мерзімі сәл ғана ауыстырылғанын айтты.

Қазақстан «Зенит-М» ғарыш аппаратын жаңғырту арқылы жерүсті инфрақұрылымын құруға жауапты. Ресей сол жерден ұшырылатын «Союз-5» зымыранын жасап жатыр. Бірінші ұшыру 2023 жылдың төртінші тоқсанына жоспарланған. Ұшыру кешені «Назарбаев старт» деп аталады.

 «Ресей тарапы  60 миллиард рубльден астам (қателеспесем, 61,2 миллиард) жаңа «Союз-5» зымыран-ғарыш кешенін құруды қаржыландырып отыр»  деп қосты ол.

2018 жылы Қазақстан мен Ресей үкіметі арасындағы 2004 жылғы 22 желтоқсандағы Байқоңырда «Бәйтерек» кешенін құру туралы келісімге өзгерістер енгізу туралы хаттамаға қол қойылды. Ол «Зенит-М» кешенінің жерүсті ғарыш инфрақұрылымы объектілерін жаңғыртуға, жалға беруден және қазақстандық тарапқа беруді жүзеге асыру бойынша тараптардың міндеттемелерін айқындайды.